ايام قرطاج المسرحية و السينمائية و البرمائية و الكالشة و الدجاز و البلوز و العروبي و الفزاني كل عام من التعيس لما اتعس و نزيد وانا مروح مالقهوة نسمع في الرديون الي سنية مبارك هي المديرة الجديدة لمهرجان قرطاج ومن غير ما نحكيو على المهرجنات الدولية الاخرى ... انا بطبيعتي المهرجنات هذوما نمشيلهم باللزز باش نخدم على روحي وزيد مع التعينات الجديدة الواحد تقطعتلو الشاهية وهو يتخيل في شكون باش يجيبو ...
ياخي وزارة الثقافة في بالها الي في تونس فما شباب عندو ما يعطي و ينجم ينجح مهرجنات كبيرة وباقل تكاليف ؟
تي شنوا هالخور تي اصغر مدير مهرجان من عام 69 راهو ؟
الجماعة من عهد البي وهوما يستقاتو من فلوس وزارة الثقافة الي هوما بطبيعتهم زوز صوردي منقوبين ...
رانا تعبنا مالسراق الي لاعبينها فنانين و متع ثقافة و كذا ...
ياخويا يزيني من كاظم و ماجدة كل عام ...
معادش نحب نشوف لا نانسي لا هيفاء لا راغب علامة في مسرح تونسي ...
الشباب يحب موزيكا جديدة ... يحب روح جديدة ...
تي جرد صفحة على الفايسبوك تطلب مقاطعة المهرجانات صيف السناء ما تقعدو تبومو و مادين افامكم للريح !!
ومبعد يبداو يتشكاو من العزوف متع الشعب على المشاركة في المهرجنات و يتباكاو على الطقات الشبابية الي هوما في الاساس حاطينهم على جنب ...
عادي مدام انتوما عاملين منها ديار و كراهب و فيلات مش كي ما ادخلو حتى صوردي من المهرجنات الفليسات الي باش تتصرف تتقسم عالاحباب و الاصحاب ..
والادهى و الامر انهم يعملو كل شي باش يعفسو على معرجنات صغيرة موازية قادرة انها تنجح و تلم اكثر عباد ...
كيما التاشيرات الي ما تتعطاش لفنانين وكيما اغلاق القاعات كيما التفاهم مع الداخلية باش ما تحميش العباد الي ماشية و برشا خور ...
تي الحاسيلو المافيا متع الثقافة مهيش باش تخلينا هتى نحلمو ...
اما انا مش باش نسكت :)
Aucun commentaire:
Enregistrer un commentaire